સુહાગરાત પહેલા સાસુએ કન્યાની કરાવી વર્જિનિટિ ટેસ્ટ, જેઠ પર દુષ્કર્મનો આરોપ...

30 વર્ષિય મહિલાએ પતિ, સાસુ-સસરા અને જેઠ પર વર્જિનિટી ટેસ્ટ કરાવવાનો, દુષ્કર્મ આચર્યાનો અને દહેજ માગ્યા હોવાનો ગંભીર આરોપ લગાવ્યો... મધ્યપ્રદેશના દ્વારકાપુરી પોલીસ સ્ટેશનમાં એક મહિલાએ આ ફરિયાદ નોંધાવી હતી. જેમાં ઉલ્લેખ છે કે, મહિલાની સુહાગરાત પહેલા તેની સાસુ અને નણદે તેની વર્જિનિટી ટેસ્ટ લીધી હતી.  ત્યાર બાદ પાંચ મહિના પછી તેના જેઠે શારિરીક સંબંધો બાંધ્યા હતા અને પતિએ ધમકી આપીને મામલો દબાવ્યો હોવાનો આરોપ છે.

સાસરીયાથી તંગ આવીને મહિલા માતા-પિતા પાસે જતી રહી હતી. અને શર્મસાર કરતી ઘટનાઓને યાદ કરીને દિવસ-રાત ભાવુક થતી હતી.. દિકરીની આવી દશા જોઈને તેના માતા-પિતાએ સાસરિયાની વિરૂદ્ધમાં ફરિયાદ નોંધાવી હતી.

પીડિતાએ ઘટનાક્રમ બતાવતા જણાવ્યુ હતુ કે, સુહાગરાતના દિવસે સાસુ-સસુર, નણંદ અને જેઠ તેની પાસે આવ્યા હતા.  અને જબરદસ્તી બાથરૂમમાં લઈ જઈને ગુપ્તાંગોની તપાસ કરી હતી. પતિને ઘટનાની જાણ કરી તો તેણે વાત પર ધ્યાન આપ્યુ ન હતુ. થોડા દિવસ પછી સાસુએ જેઠના બેડરૂમમાં સાફસફાઈ કરવા માટે મોકલી. થોડી વાર પછી જેઠ આવ્યા અને ધમકી આપી તેણે દુષ્કર્મ આચર્યુ. સાસુએ આ વાત કોઈને ન કરવા માટે પણ ધમકી આપી હતી. અને થોડી દિવસો પછી પતિએ ધમકાવીને મને પિયર મોકલી દીધી હતી.. પોલીસ આ મામલાની તપાસ કરી રહી છે અને પીડિતને ન્યાય અપાવવા ચક્રોગતિમાન કર્યા છે.